Sie sind hier: Presse
Mittwoch, 21. November 2018

Neuigkeiten

20.11.18

Märchen verrückt gemixt

Niederdeutsche Bühne: Akteure amüsierten mit rasantem Fabel­ Mix, viel Wortwitz, Situationskomik...

05.11.18

Von Gockeln, Mammuts und Raubkatzen

NBN feierte Premiere mit der niederdeutschen Erstaufführung „De Pantüffelpanther“ im ausverkauften...

08.10.18

Liebesgeschichte kam gut an

140 Zuschauer sahen die Premiere „Wenn Mööv mit Mozart" bei der Niederdeutschen Bühne

Newsdetails

Pilotprojekt för junge Lüüd un Buteneerdsche

De jungen Lüüd vun’e Nedderdüütsche Bühn Niemünster. FOTO: ERMEL

Plattdüütsch/Kieler Nachrichten vom 13. August 2018

 

Wat heet eegens Aliens op Platt? Buteneerdsche villicht? Na, egol. Jedenfalls, düsse Buteneerdschen, de sünd in Niemünster lanndt. Jo, förwiss. Se söökt wat. Töne. Se hebbt nämli op Alienrock – dat is ehr Tohuus in’t All – so vigelliensche Töne höört. De kaamt vun’e Eer. Direktemang ut Niemünster. Vun’e Nedderdüütsche Bühne. Dor is de Piratensenner vun „DJ Piratos“ togang un maakt Radi. In so’n komische Spraak. Hochdüütsch. Un noch dorto illegol. Nu sünd nich blots de Lüüd vun de Anti-Illegal-Sender- Behörd achter em ran, sünnern ok de Buteneerdschen. De hollt nämli nix vun Musik un Danz. Un Hochdüütsch - dat is se heel un Deel unheemli. Wokeen nu niescheerig is, wat dat op sik hett mit all den wunnerlichen Kraam, de mutt sik dat plattdüütsche Musical „Alien- Rock“ ankieken. Dat Pilotprojekt hett Regisseur un Autor un Stephan Greve mit ölben junge Lüüd an de Nedderdüütsche Bühn in Niemünster op’e Been stellt. Un twaars in dree Weeken: „De jüngste is veertein, de öllste twintig. För de jungen Lüüd is dat as so’n Fremdspraak“, vertellt Plattschnacker Greve, „dat mutt ik se bipuuln.“ In’t Fröhjohr hett Greve sik de passen Lüüd in een Casting utsöcht, en poor annere sünd noch dorto kamen un nu sünd se flietig an’t Öven. Premiere is an‘ 17. August. Dat Platt-Pilot-Projekt is wat ganz Besünneres. Se wüllt dormit de jungen Platt-Schnacker op’e Bühn holen. „Toeerst heff ik dacht: Ohhauaha, dor hest du di to wiet ut‘ Finster lehnt“, gifft Regisseur Stephan Greve to, „aver de jungen Lüüd kriegt dat hin. Un de hebbt bannig Spaaß“, swöögt de Plattschnacker ut Fargau-Pratjau. Dat löppt also echt goot. Un dat schall ok so wiedergahn, seggt Mareike Münz vun’e Nedderdüütsche Bühne Niemünster: „Ziel ist es, mit diesem Pilotprojekt langfristig den Nachwuchs an der Bühne zu fördern und eine Jugendtheatergruppe zu bilden.“ De sünd alle Füer un Flamm för’t Theoterspeeln un för de Spraak. Stephan Greve „will de ok nich mehr vun’e Angel laten.“ Denn eens is kloor: De Nedderdüütschen Bühnen bruukt junge Lüüd.“ th

13.08.2018 12:17 Alter: 100 Tage